18% e shqiptarëve kanë të paktën një kredi bankare aktive. Sipas të dhënave zyrtare numri i shqiptarëve kredimarrës në fund të vitit 2015 ishte mbi 527 mijë.
Sipas statistikave, në total janë rreth 808 mijë kredi aktive në shkalle vendi në te gjithë sistemin bankar, shifër kjo afro 17% më e lartë krahasuar me vitin 2014. Raporti mes kredive aktive dhe kredimarrësve është afërsisht 1.5, çka tregon se shumë individë kanë më shumë se një kredi në sistemin bankar.
Rritja e numrit të kredimarrësve dhe e kredive dëshmon se kreditimi i ekonomisë po zgjerohet në segmentin e individëve, aty ku potencialet e rritjes janë më të larta. Sipas eksperteve te fushes rritja e numrit të individëve që marrin kredi është një zhvillim pozitiv, që tregon kulturë financiare në zhvillim dhe akses në rritje të publikut në sistemin financiar.
(javanews.al / r.a)
