Dilemat e Bashes per reformen ne drejtesi

Nisur nga neni 25 i draftit kushtetues te perpiluar nga ekspertet amerikane dhe europiane, me mbeshtetjen e Ambasadorit Lu dhe Ambasadores Vlahutin, Berisha eshte vendosmerisht kunder reformes. Ai e sheh reformen ne drejtesi si nje nisme te Amerikaneve dhe te Bashkimit Europian kunder personit te tij, familjes se tij dhe te gjithe aferave korruptive te perfolura ne 8 vitet e tij ne krye te egzekutivit shqiptar. Jo me kot, ne draftin e paraqitur kete jave ne komisionin e posacem te reformes, flitet ekskluzivisht per rolin e ish Kryeministrit dhe ish Presidentit, si figura te cilat mund te hetohen nga Prokuroria Speciale, ose sic njihet ndryshe SPAK. Ajo qe bie ne sy eshte se SPAK nuk do te hetoje ish ministrat, as ish gjykatesit apo ish prokuroret, por vetem ish Kryeministrat dhe ish Presidentet. Te dy keto pozicione qe Sali Berisha i ka mbajtur ne 25 vitet e fundit ne Shqiperi. Dhe sigurisht, Berisha nuk ka faj kur mendon se reforma ne drejtesi eshte hakmarrja ndaj gjithckaje ai ka bere ne karrieren e tij. Nga aferat korruptive si ajo e Gerdecit, deri tek vrasja e qytetareve ne shesh ne 21 Janar. E sigurisht cdo gje tjeter qe ai me mire se kushdo i di. Keto jane arsyet perse Sali Berisha nuk e do reformen ne drejtesi dhe refuzon me kembengulje ta votoje ate.

Nga ana tjeter eshte Lulzim Basha, i cili edhe pse gjithashtu i perfolur per korrupsion, nuk mund t’ia lejoje vetes qe te mos shihet si partner i nderkombetareve. Por ne fakt, afersia dhe simpatia qe ambasadori Lu dhe Vlahutin kishin per te fillimisht, duket se eshte vanitur. Tanime, Lu dhe Vlahutin takohen edhe me Berishen, te pakten po aq shpesh, ne mos edhe me shume, sa me Bashen. Lulzim Basha e ndjen rivalitetin e liderit historik te se djathtes dhe e kupton se tani eshte momenti te shkeputet nga hija e Berishes. Kete u perpoq ta artikulonte edhe ne intervisten e fundit tek Fevziu, sigurisht ne menyren e tij te dobet, kur tha se Berisha jo gjithmone flet ne emer te Partise Demokratike. Edhe pse ne fakt, sa here Berisha ka folur ndryshe nga PD, ka qene Partia Demokratike qe ka ndryshuar qendrim, duke iu adaptuar ish Kryeministrit dhe jo e kunderta. Por presioni me i madh ndaj Lulzim Bashes nuk eshte vetem Berisha, por sot me shume se kurre eshte Bujar Nishani.

Presidenti i Republikes vitin e ardhshem do te lere mandatin e Kreut te Shtetit dhe burime fort te besueshme po sinjalizojne se ambicia e tij eshte Kryetari i Partise Demokratike. Me shpresen se pas nje humbje eventuale te zgjedhjeve te ardhshme pozicioni i Lulzim Bashes do te jete tejet i dobet, sigurisht edhe me bekimin e Sali Berishes ndaj te cilit Nishani ka dhene prova te forta besnikerie, Nishani mendon se eshte ne pozicionin ideal per tu bere lideri i opozites post 2017 dhe perse jo, edhe Kryeministri i ardhshem i vendit.

Ndaj, per Lulzim Bashen keto jane ore vendimtare. Ai ka thene se sot do te shprehe pozicionin e tij dhe te Partise Demokratike ne lidhje me reformen ne drejtesi. Por me pare, ai duhet te mendohet mire dhe te bej te gjitha kalkulimet e nevojshme, duke patur parasysh nga njera ane refuzimin stoik te Sali Berishes, por edhe rrezikun e Presidentit Nishani, qe tashme eshte i qarte ne ambicien e vet.

Arben Ndroqi