Fytyra e një gruaje do të vendoset për herë të parë në kartëmonedhat e dollarit amerikan.
Aktivistja e të drejtave civile për zezakët, skllavja afro-amerikane Harriet Tubman, do të vendoset në kartëmonedhën 20 dollarë.
Figura e saj do të zëvendësojë atë të Presidentit Andrew Jackson. Sekretari i Thesarit, Jack Lew, tha të mërkurën se do të shpallë vendimin për të mbajtur Alexander Hamilton në kartëmonedhën 10$.
Harriet Tubman ka lindur në vitin 1822. Ajo ishte spiune gjatë luftës civile në SHBA.
Ajo lindi në skllavëri në Dorchester County, Maryland dhe ndërmori 13 misione për të shpëtuar 70 familje të skllavëruara, duke u angazhuar në rrjetin e aktivistëve.
Pas luftës civile, ajo ishte aktive për më shumë të drejta për gratë dhe veçanërisht votën e tyre. Në fillim të jetës së saj ajo u godit në kokë nga një pronar i zemëruar, duke i shkaktuar trauma.
Tubman ishte një e krishterë e devotshme dhe thoshte shpesh se mesazhet e saj jepeshin nga Perëndia. Në vitin 1849, u arratis në Filadelfia, pastaj menjëherë u kthye në Maryland për të shpëtuar familjen e saj.
Gjatë luftës civile, ajo ishte përveç se informatore dhe spiune, edhe një ushtare e armatosur. Gjithashtu, ajo është gruaja e parë që ka udhëhequr një ekspeditë në luftë.
Më pas, ajo bleu një shtëpi në Nju Jork ku kujdes për prindërit e saj. Por në historinë amerikane, Tubman u kthye në një ikonë të guximit dhe lirisë amerikane.
