Një ndër aplikacionet e komunikimit gjerësisht të përdorur, Viber, tashmë bëhet i papërgjueshëm. Aplikacioni me 711 milionë përdorues ka prezantuar enkriptimin fundor për të gjitha mesazhet dhe thirrjet në platformën e saj, duke përfshirë edhe grupet me deri në 200 anëtarë.
Funksionalitetet e reja të privatësisë të kësaj kompanie, e themeluar dhe blerë nga Rakuten në vitin 2014, do të jenë të disponueshme në Android, iOS dhe Desktop me versionin 6.0 të aplikacionit.
Sakaq, enkriptimi i Viber do të variojë në disa nivele sigurie, të cilat do të vizualisht do të përkthehen në formën e një “kyçi” me ngjyrë që shfaqet në të djathë të fushës së dërgimit të mesazheve. Sipas kompanisë, nëse bart ngjyrën gri, do të thotë se komunikimi në atë moment është tërësisht i enkriptuar.
Përdoruesit do të kenë mundësi përzgjedhin dhe ngjyrën jeshile që do të thotë se mund të kërkojnë identifikimin e bashkëbiseduesit ku secili prej tyre bart një çelës kriptografik përdorur për tu identifikuar në Viber. Ngjyra e kuqe do të thotë se personi me të cilin po flisni nuk ka të aktivizuar kriptimin.
BW
