Ministrja gjermane e Mbrojtjes, Barbara Hendricks ka kërkuar nga Belgjika t’i mbyllë përkohësisht dy reaktorë bërthamorë për shkak të shqetësimeve mbi sigurinë. Dy reaktorët “Doel 3” dhe “Tihange 2” kanë dalë jashtë përdorimit në vitin 2011 për shkak se në atë kohë janë gjetur disa defekte në ndërtimin e tyre, mirëpo, vitin e kaluar këto centrale kanë rifilluar përsëri punën e tyre, shkruan BBC, transmeton Gazeta Express.
Politikanët holandezë kanë shprehur shqetësimet e tyre në lidhje me sigurinë e centralit “Doel 3”, i cili u hap në vitin 1970 në afërsi të kufirit me Holandën. Ndërsa në anën tjetër, Gjermania ka për qëllim t’i fikë të gjitha reaktorët e saj bërthamorë, plan ky që do të përfundojë deri në vitin 2022. Ekspertët gjerman të sigurisë bërthamore kanë vizituar Agjencinë Federale të Belgjikës për Kontrollin Bërthamorë javën e kaluar, ku kanë rënë dakord mbi bashkëpunimin e mëtejshëm për mbylljen e centraleve
