Lojërat e Dyta Botërore të Robotëve Humanoidë do të hapen më 22 gusht në Pallatin Oval Kombëtar të Patinazhit të Shpejtë në Pekin, të njohur edhe si “Fjongoja e Akullit”.
Lojërat organizohen së bashku nga Bashkia e Pekinit, Grupi Mediatik i Kinës dhe organizata të tjera.
Lojërat e këtij viti kanë tërhequr 666 ekipe dhe 2 056 robotë nga 16 vende të gjashtë kontinenteve, me një rritje prej 138 % në numrin e ekipeve dhe katërfishim të numrit të robotëve në krahasim me vitin e kaluar.
Ekipet e robotëve nga Shtetet e Bashkuara, Gjermania, Japonia dhe vende të tjera marrin pjesë, ndërsa Brazili mblodhi pesë ekipe kampione në Kupën e Botës të Futbollit të Robotëve për të formuar një ekip kombëtar për të konkurruar.
157 kompani, 641 ekipe dhe 1 975 robotë kinezë janë mbledhur në vendin e konkurrimit. Përveç kësaj, edhe 27 universitete marrin pjesë në të.
Numri i përgjithshëm i sporteve është zgjeruar nga 26 në edicionin e parë në 51. Lojërat e reja me intensitet të lartë të shtuara këtë vit, që përfshijnë kërcimin së larti, peshëngritjen, tërheqjen e litarit dhe pingpongun, janë të gjitha teste ekstreme të trurit, strukturës së trupit dhe përbërësve kryesorë të robotit.
Çdo kërcim më lart dhe çdo kilogram më shumë i ngritur është rezultat i optimizimit të vazhdueshëm nga inxhinierët, përpunimit të saktë, testimit dhe verifikimit të motorëve të kyçeve të robotëve dhe zvogëluesve në nivelin e kërkuar të shpejtësisë rrotulluese të këtyre kyçeve.
