Drejtoresha e Shtëpisë së Fëmijës në Durrës, Heroina Duka është shkarkuar nga kjo detyrë. Gjatë emisionit të mbrëmshëm “Opinion”, ministri i Mirëqenies Sociale, Blendi Klosi tha se i ka kërkuar Bashkisë Durrës shkarkimin e saj.
Sot mësohet se bashkia ka reaguar duke shkarkuar drejtoreshën e jetimores ku ndodhi akti i rëndë i dhunës ndaj një fëmije 3-vjeçar. Nën akuzë për dhunë ndaj djalit të vogël është kujdestarja, Dafina Fama, e cila ndodhet në arrest me burg. Rasti i rëndë i rrahjes barbare të një fëmije të mitur në Jetimore u denoncua javën e kaluar në emisionin “Stop”.
