Prokuroria e Krimeve të Rënda ka paraqitur pretencën për grupin e xhihadisëve. Organi i akuzës ka kërkuar në total një dënim prej 152 vjet burg për 9 të akuzuarit. Këta persona akuzohet se dërgonin shtetas Shqiptarë për të marrë pjesë në luftimet në Lindjen e Mesme.
Lajmi raportohet nga ‘Panorama’ sipas së cilës, për Prokurorinë të gjitha akuzat për 9 të pandehurit janë të provuara, ndërsa pretenca është pritur ftohtë nga “xhihadistës”.
Prokuroria për Krime të Rënda, në bazë të një hetimi të zhvilluar në bashkëpunim me strukturat e tjera ligjzbatuese, ka siguruar prova të mjaftueshme se të pandehurit, kryesisht në vitin 2013, kanë bindur dhe dërguar në Siri qytetarë të ndryshëm Shqiptarë, me qëllim bashkimin e tyre me grupet radikale të armatosura që veprojnë në atë zonë.
Në përfundim të hetimeve, Prokuroria për Krime të Rënda, i akuzon të pandehurit për veprat penale :
- ”Rekrutimi i personave për kryerjen e veprave me qëllimeve terroriste ose të financimit të Terrorizmit”;
- ”Stërvitja për kryerjen e veprave me qëllime terroriste” dhe
- ”Nxitja e urrejtjes ose grindjeve”, parashikuar nga nenet 231, 232/a dhe 265 të Kodit Penal.
Bazuar në materialet hetimore dhe shqyrtimit gjyqësor, Prokuroria për Krime të Rënda deklaron se është e provuar që të akuzuarit janë përgjegjës për konsumimin e veprave penale dhe kërkon dënimin si më poshtë, shkruan ‘Panorama’
- Genc Balla të dënohet me 20 vjet burgim
- Gert Pashai të dënohet me 20 vjet burgim
- Bujar Hysa të dënohet me 20 vjet burgim
- Erjon Reçi të dënohet me 15 vjet burgim
- Verdi Morava të dënohet me 15 vjet burgim
- Astrit Tola të dënohet me 15 vjet burgim
- Edmond Balla të dënohet me 15 vjet burgim
- Fadil Muslimani të dënohet me 15 vjet burgim
- Zeqir Ymeri të dënohet me 17 vjet burgim
(I pandehuri i Ymeri akuzohet, krahas veprave më sipër, edhe për ”Prodhimi dhe mbajtje pa leje të armëve luftarake”, parashikuar nga neni 278/2/3 i Kodit Penal).
