152 mijë punëkërkues për 6 muajt e parë të vitit
Për 6 muajt e parë të vitit zyrat e punësimit në të gjithë vendin, kanë pritur dhe regjistruar 151.879 punëkërkues të papunë.
Të dhënat e Shërbimit Kombëtar të Punësimit, tregojnë se numri i punëkërkuesve të papunë për 3 mujorin e fundit të një viti më parë ka qenë rreth 144.4 mijë, çka tregon një tendencë në rritje të qytetarëve që kërkojnë të punësohen dhe që u adresohen këtyre zyrave për ta pasur më të thjeshtë integrimin në treg.
Profilet dhe shkollimi i qytetarëqve në kërkim të një pune janë të ndryshme. Për periudhën JanarKorrik 2015, 41.636 ose 27% e të regjistruarve janë të grupmoshës 1529 vjeç, 35 mijë ose 23% janë të grupmoshë 30 – 39 vjeç, ndërkohë që numri më i lartë i papunësisë i përket moshës 4050 vjeç me 41.800 persona ose 27%, ndërsa mbi 50 vjeç janë 33.816 ose 23%. Për periudhën Janari Korrik 2015, janë të regjistruar si punëkërkues të papunë me arsim të lartë rreth 11.406 persona ose 7.5% e totalit të personave të papunë të regjistruar në Zyrat e Punës.
Për tre mujorin e parë të vitit kjo shifër ka qenë rreth 2879. Ndërsa pjesa tjeër janë pa arsimin e duhur, ose vetëm me arsim 8vjeçar. Megjithatë aktualisht tregu ka më shumë uri për zanate si dhe më shumë mundësi punësimi në industritë përpunuese, shërbime të ndryshme dhe sektorin e ndërtimit. Ndërsa pjesa tjetër e bizneseve, kërkojnë kualifikime të shumta për vendet vakante që nxjerrin.
