Kryetarja e bashkisë së Shkodrës Voltana Ademi i ka kthyer përgjigje “pa koment”, vetëm me foto projektesh e dokumentesh, kryeministrit Edi Rama.
Rama e akuzoi Ademin një ditë më parë nga salla e lojrave me dorë në këtë qytet, se bashkia Shkodër nuk ka dorëzuar pranë qeverisë ndonjë projekt për t’u financuar, duke i dhënë shembullin e Malësisë së Madhe, dhe duke udhëzuar që edhe Shkodra të dërgojë projekte në qeveri.
“Pa koment” shkruan Ademi duke kujtuar se në listën e projekteve që ka çuar në qeveri është “Projekti Ndërtimi i rrjetit te kanalizimeve te ujrave te zeza ne lagjen “Mar Lula” me vlerë 190.000.000 lekë” me skemën përkatëse. Por edhe Projektet e aplikuara për financim ne Programin e insfrastrukturës vendore pranë Komitetit të zhvillimit të rajoneve, në shkurt 2016.
Ndërkohë, listës së fotove të publikuara janë fondet që ka marrë në mars 2016 nga komiteti i zhvillimit të rajoneve, vetëm me 3 përqind.
