Deputeti i Partisë Demokratike, Sajmir Korreshi është shprehur besimplotë për pjesmarrjen e PD si një e vetme në zgjedhjet vendore të 14 majit.
Një një intervistë të shkurtër gjatë edicionit të lajmeve, Korreshi tha për Vizion Plus se vetëm shkuarja në zgjedhje me një kandidat të përbashkët do t’i jepte demokratëve shansin për të fituar.
I pyetur nga moderatori, Roland ZIli, Korreshi konfirmoi pjesmarrjen e tij në protestën e së shtunës ndërsa tha se nuk ka dijeni nëse Lulzim Basha apo Enkelejd Alibeaj do të jenë të pranishëm.
Roland Zili: Partia Demokratike ka mbetur në një ngërç të fortë në Komisionin Qëndror të Zgjedhjeve: Nëse ju nuk gjeni zgjidhje politike, a mund të themi se favorizoni rivalët tuaj politikë?
Saimir Korreshi: Situata duket e turbull dhe skeptike por unë besoj që me ato që po ndodhin kohët e fundit në PD, gjykoj që në 14 maj do të kemi një bashkëpunim të mirë mes demokratëve për të garuar nën një sigël e me një kandidat të përbashkët.
Roland Zili: Që kjo që thoni ju të ndodhë, duhet që njëra palë të tërheqë kandidatët e saj. Si do të zgjidhet?
Saimir Korreshi: Nuk është thënë se ndonjë nga palët ka kërkuar të ketë gjithë kandidatët. Është edhe opsioni i fushës së lirë që i është lënë hapsirë edhe Partisë së Lirisë. Ne kemi kërkuar të ketë konsensus. Atje ku janë dy kandidatura të vendosim atë që është më sensibël dhe ka më shumë mundësi për të fituar.
Roland Zili: Ka ndonjë hap konkret në lidhje me këtë?
Saimir Korreshi: Këto bisedime po i bën grupi parlamentar duke qenë se jemi i vetmi institucion si të thuash, që nuk ka kontradiktë. Deputetët janë të vetmit që kanë marrë përsipër që të dërgojnë e marrin haberet mes grupeve e të gjejnë zgjidhjen e mundshme brenda PD. Unë shoh tani një dëshirë nga të dy palët dhe kolegët deputetë. Me dy kandidatë ne e kemi probabilitetin të vogël për të fituar.
Roland Zili: Në 11 shkurt do të mbahet protesta e opozitës: Ju do të merrni pjesë?
Saimir Korreshi: Do të jem patjetër, unë kam marrë pjesë në cdo porotesë opozitare.
Roland ZIli: A duhet të jetë edhe Lulzim Basha?
Saimir Korreshi: Askush nuk e pengon z.Basha të jetë pjesë e protesës. Në këtë ditë që ka ardhur vendi, është çdo ditë e mirë për të protestuar. Z.Bardhi do të jetë. Me Bashën kam kohë që nuk kam komunikim. Alibeaj, nuk kam dijeni nëse do të jetë i pranishëm apo jo. Edhe shumë kolegë të tjerë që nuk janë pajtuar me ‘Foltoren’ do të jenë të pranishëm.
Roland ZIli: Nëse nuk e zgjidhni çështjen do të thotë që keni firmosur humbjen në zgjedhje?
Saimir Korreshi: Unë besoj shumë që ne do të hyjmë në zgjedhje me një kandidat të përbashkët. Duke parë dëshirën e të gjithë deputetëve dhe uljen e gjuhës keto kohë.
/a.r
