Bekim Balaj i dha fitoren 2-1 Rijekës në fushën e RNK Splitit, por doli nga loja vetëm pak minuta pasi shënoi.
Sulmuesi kuqezi e nisi nga stoli dhe hyri në minutën e 62-të, kur skuadrat ishin në barazim 1-1. Rijeka kaloi e para në avantazh, por Amir Rrahmani barazoi në fundin e pjesës së parë.
Në minutat 71 e 75, Balaj mori dy kartonë të verdhë që e detyruan të dilte nga fusha vetëm 13 minuta pasi hyri në të, por midis kartonëve shkodrani kishte shënuar golin e dytë për Rijekën.
Skuadra mike ia doli ta ruane rezultatin deri në fund, edhe pse në inferioritet numerik.
Dritan Ikonomi
