Gjykata e Posaçme dënon me 8 vjet e 8 muaj burg Gentian Malindin. Ai u fajësua për “trafik të narkotikëve” dhe “grup të strukturuar kriminal”, për trafikimin e 137 kg kokaine nga Ekuadori, që u zëvendësua me oriz në portin e Pireut.
Sipas gazetares së Klan News Glidona Daci, në total ai është dënuar me 13 vite burg po për shkak të gjykimit të shkurtuar ai ka marrë 8 vite e 8 muaj heqje lirie.
Kujtojmë se për SPAK, Malindi është një nga njerëzit kryesor në pritjen e 137 kilogramëve kokainë, e cila ishte nisur nga Ekuadori me destinacion Shqipërinë, në Shtator të 2019-s.
Për këtë rast trafiku, janë dënuar edhe dy bashkëpunëtorë të Malindit, Ardian Bega dhe Altin Myslihaka, me 18 vjet burgim.
Lënda narkotike, e cila ishte identifikuar nga autoritetet e huaja në portin e Pireut në Greqi u zëvendësua me oriz dhe iu vendos GPS.
Sasia e lëndës narkotike u tërhoq nga Malindi dhe dy të dënuarit e tjerë nga Porti i Durrësit. SPAK në dosjen e tij ka si provë ndaj tij ka edhe një sërë përgjimesh ku ai shqetësohet për mbërritjen e kontejnerit ku ndodhet kokaina.
/e.d
