Guvernatori i Nju Xhersit dhe konkurrenti për kandidat në Partinë Republikane, Chris Christie ka deklaruar se mbështet Donald Trump për president të Shteteve të Bashkuara.
Christie doli nga gara presidenciale pas mungesës së mbështetjes në sondazhe dhe në garat elektorale nëpër shtete. “Jam i gëzuar që jam në ekipin e Trump dhe mezi pres të punoj bashkë me të”, tha zoti Christie në një konferencë shtypi. Ai theksoi se Trump është mundësia më e mirë për republikanët për të marrë drejtimin e Shtëpisë së Bardhë. Ndërsa senatorët Ted Cruz dhe Marco Rubio, sipas tij, janë të papërgatitur për këtë detyrë.
“Nuk bëhet fjalë që zoti Trump ka avantazhin më të mirë për të drejtuar Uashingtonin dhe të mbajë larg ish-sekretaren e Shtetit dhe kandidaten demokrate Hillary Clinton larg nga ky post”, tha Christie. Donald Trump, një biznesmen nga Nju Jorku, kryeson garën republikane për kandidat për president dhe ka fituar tre herë rresht në garat elektorale në shtetet Nju Hempshër, Nevada dhe Karolinën e Jugut, edhe pse s’është marrë kurrë me politikë.
