Jamarbër Malltezi ka reaguar pas publikimit të një kabllogrami të Ambasadës amerikanë në Tiranë, ku flitet për Jalën.
Malltezi sulmon ish-ambasadorin amerikan John Withers, duke e quajtur atë gënjeshtar. Ai thotë se mediat që e kanë botuar këtë shkrim, janë të shqetësuara nga beteja që ai po bën ndaj mafies së betonit.
“Fletushka e Arta & sons qenka prekur keq nga punet e mia ne mbrojtje te mjedisit, ndaj te cilave kam 24 qe tregoj vemendje dhe perkushtim. Ne perpjekje per t’u dukur te besueshem ne sajese, i referohet edhe nje ish diplomati amerikan, qe genjeshtren e kish metode pune. Nuk eshte e hijshme qe te tallem me ish diplomatin sic tallet rregullisht nje piktor, por i sugjeroj Artes qe nese eshte e interesuar per kete ceshtje t’i kerkoje kunates se saj qendrimin zyrtar te Bankes Boterore, e cila para 6 vitesh kerkoi zyrtarisht ndjese me gojen e Zv. Presidentit te Bankes Boterore per sajesat qe perpiqet te rickloje piktori. Protestat dhe mbjelljet ne park e paskan shqetesuar paq qeverine dhe mafien e betonit. Une do vijoj te mbjell peme aty ku zuzaret vjedhin para dhe tentojne te betonzojne. Do perpiqem me shpirt te shpetoj Parkun e Liqenit dhe Parkun Rinia nga zuzaret qe uzurpojne pushtet duke genjyer gjithkend dhe premtuar gjithshka dhe me pas shiten dhe blihen tek oligarket per ca miliona me shume. Kam protestuar edhe para 23 vitesh kunder ndertimit te Sheratonit brenda Parkut. Deshtuam t’i mbronim kur piktori i ktheu shume lulishte te Tiranes ne pallate deri 23 kateshe per gjysmagjelet e tij te arte. Prape do perpiqem per parqet dhe lulishtet qe jane mushkrite e mia, mushkrite e femijeve te mi dhe te te gjithe atyre qe te ardhmen e shohin ne Shqiperi. Sipas nje raporti te OBSh te para 5 viteve, nga ndotja e ajrit ne Tirane vdesin rreth 500 persona ne vit -krahasuar me rreth 100 qe vdesin ne vit nga aksidentet ne gjithe Shqiperine. Uroj te mundesojme qe qytetaret te shprehen permes nje REFERENDUMI per keto veprime klienteliste te nje kaste qe nuk ka as din e as iman. Bashke me dhjetera eksperte dhe profesore te Departamentit te Mjedisit ne PD ne do mbjellim prape dhjetera fidane te tjere ne park dhe do perballemi me antiligjin e veshur me pushtet se kjo eshte detyra jone. Perfitoj nga rasti t’i uroj piktorit dhe gjysmagjeleve te tij te arte suksese ne bashkepunimin e frytshem per integrimin e vendit me prenget, frroket, roshet e bushet”, shkruan Malltezi.
Si raportonte Ambasada amerikane per Jalën
Titulli: Familja Berisha e lidhur me ndërtimet e Bankës Botërore
Dërguar nga Ambasada e Tiranës më 10.02.2009 Merr Departamenti Amerikan i Shtetit
Firmosur: Ambasadori
“Vetëm pesë muaj përpara zgjedhjeve të përgjithshme, një tjetër skandal korrupsioni (përveç atij të Gërdecit, rrugës Durrës-Kukës dhe marrëveshjeve me biznesmenin hije nga Bosnja, Damir Fazlliç),
dobëson edhe më shumë imazhin e Berishës si njeri kundër korrupsionit dhe shton perceptimin publik se kryeministri, familja e tij dhe rrethi i ngushtë po përdorin pushtetin për tu pasuruar.
Në fund të janarit 2009 parlamenti shqiptar dhe shtypi nisën të nakuzonin qeverinë shqiptare dhe veçanërisht dhëndrin e kryeministrit Sali Berisha, Jamarbër Malltezi, për keqpërdorimin e
fondeve të projektit të Bankës Botërore për qëllime personale.
BB ndaloi projektin dhe hetoi skandalin në qendër të të cilit ndodhet prishja me dhunë e disa ndërtesave në Jalë në vitin 2007 në kundërshtim me politikat e Bankës Botërore.
Paneli i Inspektimit i Bankës Botërore e konsideron çështjen si “një nga hetimet më të vështira që është ndërmarrë këto 14 vitet e fundit”.
Skandali është rreth projektit të BB-së “Për menaxhimin e strukturuar të bregdetit të jugut”, i drejtuar nga dhëndrri i Berishës, Malltezi… Banka Botërore pranoi të financonte projektin pasi mori garanci nga qeveria Berisha se asnjë ndërtesë nuk do të prishej. Por në 26 mars 2007, Malltezi dërgoi një letër tek autoritetet lokale, përfshirë edhe kreun e Policisë Ndërtimore, për tu ankuar mbi “ndërtimet pa leje në bregdetin e jugut”, veçanërisht në Jalë.
Maltezi kërkoi që të merreshin masa sa më shpejt. Më pak se një javë më pas, më 3 prill, policia njoftoi banorët që shtëpitë e tyre do të prisheshin. Atyre iu dha pesë ditë afat për të apeluar vendimin në gjykatat lokale, gjë të cilën ata e bënë, Por përpara se gjykatat të shqyrtonin apelin, buldozerët nisën shkatërrimin e shtëpive, proces i cili përfundoi më 17 prill.
Shpejtësia e implementimit të vendimit për prishjen ishte epaprecedent. Nga ana e tij, Berisha ka akuzuar panelin e hetuesve të BB-së se po hedh baltë dhe po shpif kundër qeverisë shqiptare…
Ne do të vëzhgojmë se sa do të kërkojë të fitojë politikisht opozita nga ky skandal. Zyrtarët e korruptuar dhe shpërdorimi i detyrës janë një çështje e nxehtë për votuesit, por nga ana tjetër është një thikë me dy presa për opozitën për shkak të së kaluarës dhe të tashmes së tyre me marrëveshje të tilla…”
Dërguar nga Ambasada e Tiranës më 10.02.2009
Merr Departamenti Amerikan i Shtetit
Firmosur: Ambasadori
