Sekretari i Përgjithshëm i OKB, António Guterres, ka kritikuar ashpër shpërndarjen e pabarabartë dhe të padrejtë të vaksinave Covid . Ai është shprehur se 10 vende kanë administruar 75% të të gjitha vaksinave për të vaksinuar të gjithë njerëzit në çdo vend sa më shpejt të jetë e mundur .
Shefi i OKB në një takim të nivelit të lartë të këshillit të sigurimit deklaroi se 130 vende nuk kishin marrë ende një dozë të vetme vaksine. Guterres bëri thirrje për një plan urgjent global të vaksinimit për të mbledhur dhe për të siguruar shpërndarjen e drejtë të vaksinave dhe se shkencëtarët, prodhuesit e vaksinave mund të financojnë përpjekjen.
Ai u bëri thirrje fuqive të mëdha ekonomike botërore në G20 për të krijuar një task forcë emergjente për të krijuar një plan dhe për të koordinuar zbatimin dhe financimin e tij. Ai tha që grupi i punës duhet të ketë kapacitetin për të mobilizuar kompanitë farmaceutike dhe aktorët kryesorë të industrisë dhe logjistikës.
Koronavirusi ka infektuar më shumë se 109 milion njerëz dhe ka vrarë të paktën 2.4 milion. Ndërsa prodhuesit përpiqen të rrisin prodhimin e vaksinave, shumë vende ankohen se janë lënë anash.
Programi Covax i Organizatës Botërore të Shëndetësisë, një projekt për të blerë dhe shpërndarë vaksinat e koronavirusit për njerëzit më të varfër në botë, tashmë ka humbur qëllimin e vet për fillimin e vaksinimeve në vendet e varfra. OBSH thotë se Covax ka nevojë për 5 miliardë dollarë në 2021.
Sekretari amerikan i shtetit, Antony Blinken ka deklaruar se administrata e Biden do të punojë me partnerët në të gjithë globin për të zgjeruar kapacitetin prodhues dhe shpërndarës dhe për të rritur aksesin, përfshirë popullatat e margjinalizuara.
Ndërkaq Kina u ka dhuruar vaksina 53 vendeve në zhvillim duke përfshirë Somalinë, Irakun, Sudanin e Jugut dhe Palestinën. Ekspertët kanë bërë të ditur se më shumë se 160 milion njerëz rrezikojnë të përjashtohen nga vaksinimet e koronavirusit sepse ata jetojnë në vendet e përfshira në konflikt.
/a.r
