“Ju lutem mos e lexoni këtë artikull nëse nuk keni zemër të fortë. Kjo është lista e 13 krizave me të cilat besoj se po përballemi. Ndoshta ka edhe më shumë. Ju lutem jini të lirë të shtoni nëse mendoni se ka edhe të tjera. Më vjen keq t’ju them se nuk është një lexim i këndshëm”. Eshtë ky paralajmërimi që jep shkrimtari George Monbiot në një artikull të publikuar te prestigjiozja britanike, “The Guardian”.
1. I pari është Donald Trump
Mesa duket kriza e parë është Donald Trump president i zgjedhur i SHBA. Sipas tij kreu i ardhshëm i Shtëpisë së Bardhë është një njeri i cili nuk ka aftësinë për të ribashkuar, por ka aftësiën vetëm të hakmerret. Ai ka në xhep gjykatën e lartë. Ai rrethohet nga njerëz të cilët kanë njohuri të pakta për botën. Ai do të ketë në dorë narsenalin më të madh bërthamor dhe mbrojtjen më të shtrenjtë që një shtet mund të ketë zhvilluar ndonjëherë.
2. Së dyti sekretari i i tij i sigurisë kombëtare Michael Flynn sipas shkrimtarit është një ekstremist i rrezikshëm. Duke pasur në dorë vendimet ushtarake ai është në gjendje të veprojë pa miratimin e Kongresit.
3. Së treti skuadra e Trump përbëhet nga lobistë profesionistë që janë marrë me fushata të duhanit, ilaçeve, kompanisë financiare dhe nga bilionerë. Qëllimi i tyte politik është shmangja e taksave dhe rregullave. Këta njerëz tashmë janë në detyrë. Përveç ndikimit në botë, në shëndetin publik, në financat publike dhe stabilitetin financiar, mund të instalojë modelin politik të kompanive të duhanit të viteve ’60 të shekullit të kaluar. Pra, nëse harxhoni para dhe bashkëpunoni me media, mund të blini politikanët. Demokracia bëhet shkronjë e vdekur në letër, ndërsa shuhen alternativat politike.
4- Sfondi transatlantik
Në anën tjetër të Atlantikut, përpjekjet e britanikëve për t’u ndarë nga BE-ja duken të komplikuara. Ndoshta nuk ka përgjigje për këtë problem politik. Por, dy opsione shihen si zgjidhje: e para pajtohet me lëvizjen e lirë të njerëzve në këmbim të tregut të përbashkët, gjë që do të ishte e pakëndshme për mbështetësit e Brexit-it; e dyta BE-ja mbyll dyert e saj. Jo vetëm që mund të refuzojë të gjitha kërkesat e Qeverisë, por BE mund t’i ndëshkojë me gjobën e daljes prej 60 miliardë eurove.
5- Rreziqet e Eurozonës
Kriza e bankave italiane duket e madhe. Çfarë ndikimi do të kenë ato në mbijetesën e Eurozonës.
6. Pasojat e tyre globale
Mbetet për t’u parë a është kjo e mjaftueshme për të nxitur një krizë globale. Por, nëse ndodh kjo, qeveritë nuk mund të përdorin programin e viteve 2007 dhe 2008, sepse arkat janë bosh.
7. Automatizimi, ngrënësi i punës
Automatizimi do të shkatërrojë punët, sepse informacioni teknologjik po penetron kudo. Puna profesionet po bëhen automatike dhe ende qeveritë nuk poi kushtojnë rëndësi këtij fenomeni
8- Nëse presidente e Francës zgjidhet Le Pen
Marine Le Pen e ekstremit të djathtë ka shanse të mira të bëhet presidentja franceze. A do të jetë e mjaftueshme kjo për të minuar Bashkimin Evropian? Këtë askush nuk e di! Nëse nuk është krizë e mjaftueshme, janë disa tjera në qoshe me çka vjen një reaksion zinxhir. Mendoj se kur kjo nis, do të bëhet me shpejtësinë që askush s’e pret. BE-ja do të mund të pushojë së ekzistuari brenda një muaji.
9. Këshilli i Sigurimit të OKB-së nuk jep shpresë për njerëzimin
Nëse Le Pen fiton, anëtarët e përhershëm të Këshillit të Sigurimit të OKB-së do të jenë Donald Trumpi, Vladimir Putini, Xi Jinpingi, Theresa May dhe Marine Le Pen. Kjo nuk është shumë inkurajuese.
10. Marrëveshja e Klimës prishet
Programet shtetërore për ndryshimet klimatike lidhen me marrëveshjen e nënshkruar në Paris. Edhe nëse këto programe veprojnë në mënyrë të plotë (e që nuk do të ndodhë), rruga është e gjatë me ato që parashikon Marrëveshja e Parisit. E, Trumpi synon ta ndërpres këtë rrugë!
11. Pasojat në emigracion
Një nga efektet e shumta të krizës klimaterike do të jetë shpërngulja masive e njerëzve .
12.60 të korrurat e mbetura
Sipas organizatës së OKB-së për bujqësi, kanë mbetur vetëm 60 vite me të korrura!
13. Plakja e shpejtë
Çdo herë e më shumë ka banorë pleq, e më pak të porsalindur. Bota po vdes me shpejtësi të madhe!
Ju mjaftojnë kaq? Një nga veçantitë e këtyre krizave të komplikuara është se nuk ka ‘anë tjetër’ për të kaluar apo zgjidhur . Është vështirë të imagjinohet që qeveritë do të heqin dorë nga kontrollet, se miliarderët do të ndalen së manipuluari me opinionin publik, se BE-ja e shkatërruar do të bashkohet. Çështja kryesore është se s’i ti shmangim krizat dhe a mund t’i shmangim? Çfarë duhet bërë për t’ia dal?
E di që ky shkrim mund t’ju shkaktojë depresion, por ky nuk ishte qëllimi im. Doja thjesht t’ju thoja që të fokusohemi në qëllimet tona kryesore.
