Të lësh brokolin e padëshiruar në pjatën tënde nuk është vetëm sjellje e keqe. Është gjithashtu trajtim i dobët që i bëjmë planetit. Shifrat flasin se rreth një e treta e ushqimit në botë, 1.3 miliardë tonë, shkon dëm çdo vit, shkruan The Economist. Ushqime me vlerë prej 750 miliardë dollarësh hidhen poshtë. Por cili është ndikimi mjedisor?
Ushqimet e lëna dhe të hedhura ndikojnë fuqishëm në ndojtjen e mjedisit. Energjia e nevojshme për të prodhuar ushqim, përmes karburantit për traktorë dhe kamionë, prodhimi i plehrave dhe më shumë, liron gazra serrë në atmosferë, duke shkaktuar ndotje
Nëse shkarkimet vjetore nga ushqimet e mbetura, 3.3 miliardë tonë, do të lëshoheshin në një vend të vetëm, atëherë ai vend do të ishte ndotësi i tretë më i madh në botë (pas Kinës dhe Amerikës). Nga përllogaritjet e OKB, nëse sasia e ushqimit të shpërdoruar do të ulej me 25% do të ishte e mjaftueshme për të ushqyer të gjithë njerëzit e kequshqyer.
Sipas OKB-së, edhe sasia e ujit që humbet nga ushqimi i padëshiruar është i madh: një vëllim i barabartë me rrjedhën vjetore të lumit Vollga të Rusisë.
Hedhja e ushqimeve bëhet kryesisht nga konsumatorët e pasur. Në Evropë ekonomitë familjare janë përgjegjëse për më shumë se gjysmën e 88 milionë tonëve ushqime të hedhura çdo vit.
Sipas një studimi të kryer nga Komisioni Evropian vitin e kaluar, më pak se gjysma e atyre që e pyetën e dinin se çfarë do të thotë në të vërtetë etiketat “të konsumohet përpara”.
Në vendet e varfra problemet janë më themelore. Përderisa konsumatorët në vendet e pasura janë përgjegjëse për shumicën e ushqimeve të hedhura, ata duhet të angazhohen për të trajtuar problemin drejtpërdrejt. Mënyra më e mirë do të ishte që ata të hanë të gjitha ushqimet që blejnë dhe gatuajnë. Përdorimi i pjatave të vogla mund të inkurajojë në të vërtetë një sjellje të tillë. Ligjvënësit mund të ndihmojnë gjithashtu: Italia ka kaluar një ligj të ri për të bërë më të lehtë për supermarketet të dhuronjne ushqime të padëshiruara. Ligji parashikon ndalimin e hedhjes së ushqimit në plehra. Synimi i tij është që të inkurajohen njerëzit që ta marrin me vete ushqimin që u tepron kur hanë nëpër restorante, ndërsa ligji i detyron supermarketet që ta falin ushqimin e tepërt e të mos e hedhin në mbeturina. Në shkurt Franca u bë vendi i parë që ndëshkonte dyqanet që hidhnin artikujt ushqimore të pashitura, në vend që t’i falnin ato njerezve ne nevoje. Ka aplikacione dhe faqe interneti ku blerësit mund të blejnë ushqime (ende jo të prishura) me zbritje./javanews.al
c.a
