124 shtetas shqiptarë marrin nënshtetësinë maqedonase
Për 6 muaj 489 shtetas të huaj kanë marrë nënshtetësinë e Maqedonisë. Prej tyre numër më i madh janë shqiptarë nga Kosova dhe Shqipëria, dhe më pas vijnë serbët, turqit dhe austriakët. Kështu tregojnë të dhënat e fundit të Ministrisë së Punëve të Brendshme (MPB).
Sipas agjencisë maqedonase “INA”, të dhënat e fundit zyrtare të MPB-së për 6 muajt e parë të këtij viti, se nga muaji janar i këtij viti e deri në fund të muajit qershor, në regjistrin e shtetasve të rinj të Maqedonisë janë regjistruar 489 shtetas të huaj.
Prej tyre, 124 shtetas janë nga Shqipëria, 126 shtetas nga Kosova, 73 janë shtetas të Serbisë, 28 janë shtetas të Turqisë dhe 18 janë shtetas të Austrisë.
Më shumë kërkesa sipas gazetës ditore në gjuhën maqedonase “Dnevnik”, kanë dorëzuar shqiptarët e Shqipërisë. Pas tyre dëshirë për të fituar shtetësinë e Maqedonisë janë shqiptarët nga Kosova, pastaj Serbët, Turqit dhe Austriakët. Vitin e kaluar në bazë të lidhjeve martesore të drejtën e shtetësisë së Maqedonisë e kanë fituar 670 shtetas të huaj.
