Shiu i rrëmbyeshëm ka shkaktuar përmbytje të mëdha në pjesë të Kinës qendrore, duke i detyruar njerëzit të largohen nga shtëpitë e tyre. Më shumë se 10,000 njerëz në provincën Henan janë evakuuar.
Autoritetet atje konfirmojnë se të paktën 12 persona kanë vdekur në qytetin e Zhengzhou që nga fillimi i përmbytjes.
Shumë rrugë në qytetet kryesore janë bllokuar, ndërsa janë anuluar fluturimet dhe janë mbyllur hekurudhat.
Provinca Henan, ku jetojnë 94 milionë njerëz, ka lëshuar nivelin më të lartë të paralajmërimit të motit pas një sezoni shiu jashtëzakonisht aktiv.
Shumë faktorë kontribuojnë në përmbytjet e shumta, por kryesore sipas ekspertëve është ngrohja e klimës.
g.kosovari
