Policia e Kosovës ka njoftuar se ditën e djeshme në orën 15:30 në Fushë Kosovë janë arrestuar dy të dyshuar meshkuj, shqiptarë të Kosovës, pasi që gjatë kontrollit në veturën e tyre, janë gjetur dhe konfiskuar lëndë shpërthyese TNT me peshë 12400 gram dhe dy pushkë të gjata të tipit mitraloz MP-84.
Sipas Policisë, me urdhër të Gjykatësit të procedurës paraprake janë kontrolluar edhe dy lokacione ku janë gjetur dhe konfiskuar një pushkë M-48, 700€ para si dhe dy telefona celular.
Njoftimi i plotë i Policisë:
Raportohet se janë arrestuar dy të dyshuar meshkuj K/Shqiptar pasi që gjatë kontrollit në veturën e tyre, janë gjetur dhe konfiskuar lëndë shpërthyese TNT me peshë 12400 gram dhe dy pushkë të gjata të tipit mitraloz MP-84.
Me urdhër të Gjykatësit të procedurës paraprake janë kontrolluar edhe dy lokacione ku janë gjetur dhe konfiskuar një pushkë M-48, 700€ para si dhe dy telefona celular.
Gjatë hetimeve është arrestuar edhe i dyshuari tretë mashkull K/Shqiptar, i cili supozohet se ia ka shitur armët. Me vendim të prokurorit kompetent tre të dyshuarit janë dërguar në mbajtje.
