Shtetet e Bashkuara duhet të kenë prioritet financimin për sigurinë e shkollave sesa ndihmën për Ukrainën, ka thënë ish-presidenti Donald Trump disa ditë pas masakrës në Teksas, shkruan BBC.
Nëse SHBA mund të dërgojë miliarda në Ukrainë, “ne duhet të jemi në gjendje të bëjmë gjithçka që fëmijët të jenë të sigurt në shtëpi”, tha ai në një konferencë pro armëve. Takimi i Shoqatës Kombëtare të Pushkave (NRA), grupi më i madh i armëve amerikane, po zhvillohet në Hjuston dhe vjen tre ditë pas një sulmi masiv nga një adoleshent në Uvalde.
“Ne shpenzuam triliona në Irak dhe Afganistan dhe nuk morëm asgjë në këmbim. Përpara se të ndihmojmë kombin në pjesën tjetër të botës, ne duhet të ndihmojmë për sigurinë në shkolla,” tha Trump.
Kujtojmë se në fillim të këtij muaji, Kongresi Amerikan votoi me shumicë dërrmuese miratimin e një paketë prej gati 40 miliardë dollarëve ndihmë ushtarake për Ukrainën. Në total, ligjvënësit amerikanë kanë dërguar rreth 54 miliardë dollarë në Ukrainë që nga pushtimi i Rusisë në shkurt.
Trump hodhi poshtë thirrjet për kontrolle të forta të armëve, duke thënë se amerikanëve të denjë duhet t’u lejohen armët e zjarrit të mbrohen kundër së keqes. Ish-presidenti republikan filloi fjalimin e tij duke lexuar emrat e viktimave të të shtënave në Uvalde.
Konferenca vjetore e NRA,po zhvillohet 280 milje (450 km) nga Uvalde, skena e të shtënave më të rënda në shkollë në SHBA në një dekadë.
g.kosovari
