Patozi: Të gjitha aktet ekstreme të Bashës kanë patur nga mbrapa bekimin e Sali Berishës

Politikani i njohur Astrit Patozi i ftuar në emisionin Shqip nga Dritan Hila për të folur në lidhje me zhvillimet më të fundit dhe ecurinë e Partisë Demokratike. Patozi shprehet se vendi ynë sot ka nevojë për një opozitë të moderuar që të jetë e ndryshme nga foltorja.

Sepse vetëm kështu shqiptarët të cilët nuk besojnë më në perspektivën politike ose vizionin e Berishës dhe kanë nevojë për një tjetër opozitë të ndihen të përfaqësuar. Dhe vetëm nëse kjo ndodh ose del si alternativë Shqipëria ka mundësi për një rrotacion politik. Patozi më tej shprehet se Berisha është përgjegjës për të gjitha aktet politike të ndërmarra nga Lulzim Basha pasi i ika miratuar ato.

“Berisha ka certifikuar sipas meje të gjitha aktet e rënda politike që Lulzim Basha ka ndërmarrë që nga 2013-ta deri më sot. Duke përfshirë mospjesmarrjen në koalicionin e reformës territoriale, djegien e mandateve, përpjekjen për të sabotuar zgjedhjet lokale të vitit 2019.

Për të gjitha aktet ekstreme dhe radikale të Lulzim Bashës kanë patur nga mbrapa bekimin dhe shtytjen e Sali Berishës. Këtu përfshihet edhe lista e 2017-ës dhe skam asnjë dyshim për këtë” shprehet Patozi./ dritare.net

g.kosvari