Për administratorin e Postribës Altin Shabaj, shkarkimi i tij nga kryebashkiaku i ri i Shkodrës Bardh Spahia, nuk i shërben bashkimit i cili është edhe qëllimi i demokratëve këto momente, po përçarjes së PD. Ai këmbënguli se shkarkimi është anti-ligjor dhe nuk do ë ngurojë të ndjekë rrugën e drejtësisë për këtë vendim.
Duke folur për mediat, Shabaj tha se arsyeja e shkarkimit lidhet me faktin se ai mbështeti kandidatin e Lulzim Bashës në zgjedhjet e pjesshme vendore më 6 mars.
“Kjo nuk i shërben bashkimit, por përçarjes së PD. Bardh Spahia është njeriu qe në vazhdimësi ka përçarë PD dhe unë e kam thënë edhe më herët. Sa i përket shkarkimit, ajo është bere në mesnatë në zyrat e bashkisë, ngjashëm si dikur celulat komuniste. Unë do të ndjek hapat ligjor mbi këtë vendim. Kam qenë dhe do të vazhdoj të kontribuoj për PD. Edhe më 6 mars mbështeta PD dhe kandidatin Bushati, prandaj edhe është marre ky vendim. Koha do ta tregojë se kush ka patur të drejtë. Më vjen keq qe ishim unë dhe Darragjati të paret që po largohemi edhe pse jemi dy njësitë përherë fituese të PD. Do te shihemi ne zgjedhjet e tjera”, tha ai.
Ditën e djeshme me ardhjen në krye të Bashkisë së Shkodrës, Bardh Spahia ka filluar shkarkimin e njerëzve të ish-kryebashkiakes, Voltana Ademi, edhe pjesë kjo e fundit mbështetëse e Sali Berishës. Ai ka firmosur shkarkimin e 2 administratorëve, atij të njësisë Administrative të Postribës, Altin Shabaj dhe atij të Dajçit, Gjovalin Darragjati.
Lidhur me këtë vendim ka reaguar edhe Darragjati, duke thënë se shkresa e cila sipas tij u përcoll dorazi përmbante tone kërcënuese. Ai tha së nëse Spahiu nuk i kërkon falje lidhur me këtë veprim do t’i drejtohet institucioneve përkatëse.
g.kosovari
