Televizioni News24 ka publikuar videon e ngacmimit seksual ndaj një të miture në Himarë, ku autori, një 72-vjeçar është lënë në arrest shtëpie pak ditë më pas. Skandali i ngacmimi është shënuar fundjavën e kaluar ku i moshuari ka ngacmuar seksualisht një të mitur, vetëm 11 vjeç, me inicialet M.Th. Gjithçka ka ndodhur ndërsa 11-vjeçarja kishte shkuar për të blerë diçka në supermarket.
Ndërsa ka qenë pranë një rafti i është afruar i moshuari, i identifikuar nga policia si Marko Guma. Siç duket në videon nga kamerat e sigurisë, e regjistruar mesditën e 14 janarit, pasi e ka kapur nga dora, i moshuari ka kryer veprime të turpshme me të miturën, e cila ka mbetur e shtangur. Pasi ka nxjerrë diçka nga xhepi, që duken si para dhe ja ka dhënë vajzës, 72-vjecari e ka puthur për herë të dytë, e më pas e mitura e shokuar largohet.
E gjithë skena ishte parë përmes kamerave të sigurisë nga shitësja e marketit, e cila ka nisur të debatojë me të moshuarin. Siç duket edhe në pamje, pasi debatit me shitësen, i moshuari ka kuptuar se akti i rëndë që ka kryer është zbuluar, pasi bën gjestin e goditjes së ballit me dorë. Gjatë debatit edhe me një tjetër shitës, duket e mitura e cila qëndron pas tij, e trembur. Policia është njoftuar nga shitësja e supermarketit dhe i moshuari është vënë në pranga.
Por pak ditë më pas atij i është përcaktuar masa “arrest shtëpie”, çka ka indinjuar familjarët e 11-vjeçares. Ata bëjnë të ditur se ajo vijon të jetë e shokuar dhe nuk pranon të shkojë në shkollë. Gjendja e saj sipas familjarëve, është rënduar pasi ka mësuar masën e sigurisë së dhënë ndaj Marko Gumës.
