Partia Demokratike, nëpërmjet deputetes Albana Vokshi, njëherësh kryetare u Komisionit Parlamentar të Shëndetësisë dhe Kujdesit Social, denoncoi sot skandalin që sipas saj ministrti i Shëndetësisë Ilir Beqaj ka konsumuar nëpërmjet abuzimit me sistemin e barnave të rimbursueshme.
Me anë të një deklarate për shtyp nga selia blu, Vokshi bëri me dije se shifra e përfituar nga abuzmi i radhës në këtë sistem, është 300 milion lekë, shifër që përkon me shitjen e deklaruar nga kompania farmaceutike “Omega”, të 252 mijë tabletave të një medikamenti të vetëm për një vit, i cili asnjëherë nuk ka mbërritur tek personat në nevojë, që është dhe destinacioni ligjor.
“300 milion lekë të destinuar për të sëmurët kronik, personat me aftësi të kufizuara, pensionistët, femijët, kanë përfunduar në xhepat e miqve të Beqes dhe Ramës” deklaroi ajo, teksa iu referua raportit të Kontrollit të Lartë të Shtetit mbi këtë çështje.
Partia Demokratike i bën thirrje Prokurorisë që sa më shpejt të hetojë dhe çojë para drejtësisë dosjen kriminale të radhës të ministrit të Shëndetësisë, Ilir Beqaj.
