Merr fund pengmarrja e hotelit në Burkina-Faso, ku terroristë të Al-Kaedës vranë më herët 20 persona.
Sipas autoriteteve të Burkina-Fasos, raportohet se janë liruar 63 persona që mbaheshin peng, midis të cilëve edhe një ministër.
Zyrtarët e policisë vendase thanë se Ministri i Punëve Publike Clemet Saëdogo, ishte liruar dhe gjendja e tij shëndetësore ishte e mirë.
Persona të armatosur kanë shtënë në drejtim të një hoteli në Ougadaougou, kryeqytetin e Burkina Faso, në Afrikën Perëndimore.
Dëshmitarët okularë thanë se dy bomba shpërthyen jashtë hotelit Splendid rreth orës 19:30, shkruan BBC.
Tre deri në katër persona të maskuar pastaj hynë me forcë në Hotel Splendid, e cila përdoret nga stafi i OKB-së dhe perëndimorët, thanë dëshmitarët.
Dëshmitarët okularë raportuan se kishin dëgjuar shkëmbimet e armëve në mes të burrave dhe forcave të sigurisë, si dhe armë zjarri sporadike nga brenda hotelit. Deri tani raportohet për 20 viktima.
