Mbajtja e Lojërave Olimpike Dimërore këtë vit, bëri që Kina të jetë vendi I parë që organizon në të njëjtin qytet si Lojërat dimërore, ashtu edher ato verore. Lojërat Olimpike Verore të mbajtura në 2008 –tën u shoqëruan asokohe me një jehonë të pashoqe, dhe ishin si një këmbanë që lajmëronte daljen e Kinës nga një dekadë izolimi dhe fillimin e një epoke të re edhe në kontekstin global, por edhe në përceptimin ndërkombëtar në përgjithësi. Ngjarja e përbotshme sportive u konkretizua përmes një investimi të madh prej miliarda dollarësh nga qeveria kineze.
Përveç shfaqjes sportive në qendër të gjithë organizimit, protagonist ishte edhe shfaqja e zhvillimit teknologjik të Kinës. Për të sfiduar vishtirësite klimaterike, u përdorën makineri për të krijuar
deborë artificiale në përmasa të mëdha. Tunele të reja u hapën për t’u krijuar hapsirën e nevojëshme hekurudhave të linjave të trenave të shpejtë. Këto lojëra ishin edhe hera e parë që vizitorët e huaj mundën të përdorin në masë monedhën e re dixhitale të Kinës.
Arritje të tilla si stafeta nënujore e pishtarit, paisjet moderne sportive, automjetet e reja me energji, lojerat e realitetit virtual , sistemi I kameras me qartësi ultra të lartë (ultra HD) në orbitë, sistem I cili lëviz më shpejt se patinatorët që garojnë, ftohësit me dioksid karboni për të krijuar akull super të shpejtë, paisjet e radarit dhe stacionet e monitorimit të motit të cilat ofruan parashikime të sakta të motit në minutë dhe brenda 100 metrave , krijimi I dëborës artificiale duke ruajtur gjithë parametrat mjedisorë dhe mjaft arritje të tjera, shënuan shkallën e lartë inovative të Kinës, e cila po përdoret si referencë pozitive nga të gjithë vlerësuesit objektivë të këtij realiteti impresionues.
“Lojërat Olimpike Dimërore të Pekinit janë të paprecedenta përsa I përket aplikimit të shkencës dhe teknologjisë, me shpresën se këto mjete do të përdoren gjerësisht në të gjithë botën “ nënvizoi në një nga prononcimet e vazhdueshme gjatë këtij eventi, Thomas Bach, president I Komitetit Olimpik Ndërkombëtar.
Në përgjithësi , në rastet e mëparshme të Lojërave Olimpike si dimërore ashtu edhe verore, impiantet sportive dhe fshatrat olimpikë braktisen, ndërsa në Kinë, janë përdorur me efektivitet mjediset olimpike të vitit 2008, dhe vetëm një nga pesë impiantet me pistë akulli u ndërtua I ri nga e para. Pas këtyre lojërave, komplekeset mund të strehojnë më shumë se 2000 njerëz në të njëjtën kohë për të gjitha sportet në akull, duke përfshirë hokej mbi akull,patinazh artistic, etj.
Përdorimi I teknologjive të përparuara, ka qënë një mbështetje për të realizuar një olimpiadë “green” , por do I shërbejë Kinës dhe siguron një përvojë me vlerë globale në zhvillimin ekonomik e social në të ardhmen. Realizimi impresionues I Lojërave Olimpike të Pekinit është arritur krahas të tjerash edhe mbi implementimin e më shumë se 200 risive shkencore e teknologjike, ku kanë dhënë një kontribut më shumë se 10.000 studiues. Një armatë e tërë intelektuale, që ka punuar për një kohë të gjatë në gjetjen e shtigjeve të reja për një Olimpiadë “green” me karateristikat “sci-tech”
/b.h
