Partia Demokratike thotë se Sali Berisha dhe Vangjush Dako janë dy non grata, të cilët janë bërë bashkë për të shkatërruar Partinë Demokratike. PD ka publikuar një video me deklaratat e Berishës, ndërsa thotë se ai tashmë nuk e sulmon më Dakon.
“Non grata me Dakon e Durrësit po përpiqen të përfitojnë në kurriz të demokratëve. Të korruptuarit dhe non-gratat po mbajnë njëri-tjetrin kundër PD, kundër shqiptarëve. Këta nuk duan që Shqipëria të ndryshojë”, shkruan PD, ndërsa shtron pyetjen, se cili është pazari i takimit të tyre.
Kujtojmë që si Sali Berisha edhe Vangjush Dako edhe pse janë të shpallur non grata nga SHBA, janë aktiv në politike, duke u angazhuar edhe në fushatën për zgjedhjet e 6 marsit.
