Gjykata e Durrësit ka liruar nga burgu, Klajdi Xibrakun, raporton për abcnews.al gazetari Leonidha Musaj. Ai është arrestuar për trafikun e kokainës nga Ekuadori, ndërsa me vendim të Apelit tashmë është i lirë. Pak javë më parë u lirua edhe bashkëpunëtori i tij, Erjon Peti.
Në kontejnerin e kompanisë u sekuestruan 134 kg kokainë të paketuara dhe të stampuara me profilin e Pablo Eskobarit, prillin e vitit të kaluar. Erion Peti dhe Klajdi Xibraku nga Tirana, që të dy janë aksionerë të kompanisë së eksportit të frutave e quajtur “Masabi Fruits”, në kontejnerët e të cilës u gjet lënda narkotike.
Droga u gjet mesditën e 10 prill 2021. 143 kg kokainë ishin fshehur në tavanin e kontejnerit e ndarë në 200 pako të mbështjella me natriban dhe me kodet e mbishkruara si “më e mira”; “Vëlla” dhe foton e Pablo Escobar. Pas zbulimit të lëndës narkotike, u arrestuan Xibraku dhe Peti, administratorët e kompanisë.
g.kosovari
