Ambasadorja e SHBA-ve, Yuri Kim mori pjesë në një ekspozitë të zhvilluar nga Autoriteti i Dosjeve në ish-kampin e internimit në Tepelenë.
Në fjalën e saj, diplomatja e lartë bëri thirrje për kërkimin e të zhdukurve dhe respektimin e familjarëve. Ndërsa theksoi se është me rëndësi që të përballemi me të shkuarën.
Ky kamp është cilësuar si një prej kampeve më fatkeqe me shumë fëmijë e të moshuar që vdiqën dhe iu humbën eshtrat.
“Shikojmë gjithë këto që kanë mbetur nga ai kamp internimi që ka qenë këtu. Ndonjëherë përqendrohemi tek numrat dhe harrojmë qeniet njerëzore pas tyre, por numri vërtet që më prek është numri i fëmijëve që kanë humbur jetën këtu vetëm brenda pak muajve. Pjesë e psikologjisë njerëzore, e drejtësisë, por edhe e ligjit. Është e rëndësishme që të përballemi me të shkuarën dhe ti shikojmë këto fakte”, u shpreh Kim.
“Isha e nderuar t’iu bashkohesha ish-të përndjekurve politikë dhe të afërmve të tyre për inaugurimin e ekspozitës së jashtme të përhershme në ish-kampin e internimit në Tepelenë. Gjatë funksionimit të tij në vitet 1949-1953, kampi i Tepelenës mbajti mbi 3000 njerëz, në kushte të tmerrshme. Vetëm gjatë dy muajve në vitin 1950, vdiqën nga sëmundjet 285 fëmijë. U preka kur dëgjova Simon Mirakajn, i cili u detyrua të jetonte atje nga mosha katër deri në nëntë vjeç, të fliste për atë që ai dhe të tjerët duruan në kamp. Është shumë e rëndësishme që autoritetet shqiptare të vazhdojnë të mbledhin dhe të publikojnë dokumente dhe të dhëna në lidhje me këtë pjesë të dhimbshme të historisë së Shqipërisë. Njerëzit vazhdojnë të vuajnë, veçanërisht ata që nuk kanë gjetur ende eshtrat e të dashurve të tyre. Paqja nuk mund të vijë pa të vërtetën dhe pajtimin”, tha ambasadorja.
View this post on Instagram
g.kosovari
