Kryeministrja e Zelandës së Re, Jacinda Ardern, ka refuzuar “ryshfetin” e një vajze 11 vjeçare, e cila i kishte dërguar pesë dollarë që të nxisë autoritetet që të fillojnë kërkimet për dragonjtë.
Vajza ka dashur që të fitojë dhunti telekinetike që të bëhet trajnere dragonjsh. Ajo bashkë me letrën i ka dërguar kryeministres së vendit edhe pesë dollarë.
Kryeministrja iu përgjigj vajzës me anë të një letre zyrtare në të cilën i shkroi se administrata e saj “aktualisht nuk punon me dragonj”.
Kryeministrja në këtë letër shkroi edhe fjalinë: “Gjithsesi do të kem parasysh edhe dragonjtë. A veshin rroba”?
Vëllai më i madh i vajzës këtë letër e postoi në “Reddit” me komentin se motra e tij tentoi ta korruptojë kryeministren.
Kryeministrja ka konfirmuar për BBC-në se ky rast simpatik me të vërtetë ka ndodhur dhe iu ka përgjigjur vajzës.
“Ne jemi të interesuar për propozimin e saj për dragonjtë, por për fat të keq aktualisht nuk punojmë për këtë fushë. Për këtë ia kthej paratë dhe i uroj gjithë të mirat”./ i.h
