11 shtatori/SHBA përkujton 14-vjetorin e sulmeve terroriste
Shtetet e Bashkuara të Amerikës përkujtojnë sot 14-vjetorin e sulmeve terroriste të 11 shtatorit 2001, duke organizuar ceremoni përkujtimore në zonat e atentateve.
Në 11 shtator 2001, ekstremistë që kishin ndërmarrë misione vetëvrasëse rrëmbyen katër avionë me pasagjerë, duke i shndëruar në predha të komanduara kundër dy kullave të World Trade Center në Nju Jork si dhe kundër Pentagonit.
Një memorial i ri u përurua të enjten në nderim të viktimave të fluturimit 93 të “United Airlines”, avioni i katërt që u rrëmbye, dhe që mendohet se pasagjerët e rrëzuan në një fushë në Pensilvani për të shmangur një sulm në Uashington.
