11 shtatori/ Meta dhe Basha shprehin solidaritet me SHBA-në dhe familjet e viktimave
Shtetet e Bashkuara përkujtojnë sot sulmin terrorist të 11 shtatorit, të 14 viteve më parë mbi kullat binjake.
Në këtë kuadër, kryetari i Kuvendit, Ilir Meta, dhe lideri i opozitës, Lulzim Basha, kanë shprehur solidariotet me qeverinë e SHBA-së, popullin amerikan dhe familjet e viktimave të sulmit terrorist.
“Populli shqiptar duhet të jetë krenar që ka një aleat të madh si SHBA-të, kampion i demokracisë dhe vlerave humane dhe lider i vendeve të lira dhe demokratike. Shqipëria dhe forcat tona të armatosura kontribuojnë përkrah SHBA-së, NATO-s dhe koalicionit global kundër terrorizmit, kësaj të keqe të madhe që po godet njerëz të pafajshëm, paqen dhe sigurinë në botë”, shkruan kreu i Kuvendit Meta në mesazhin e tij.
Ndërsa kryetari i Partisë Demokratike, Lulzim Basha, ka deklaruar sot se jemi në krah të popullit amerikan në ditët e përkujtimit të 11 shtatorit dhe nderojmë e kujtojmë 3 mijë viktimat e sulmeve terroriste.
