George W. Bush u kritikua ashpër për përgjigjen kundër sulmeve terroriste të 11 shtatorit 2001, ndërsa foto të botuara pak muaj më parë hedhin dritë mbi reagimin e menjëhershëm të presidentit atë mëngjes.
Të marra nga fotografi personal i Bushit, Eric Draper, fotot tregojnë presidentin gjatë vizitës në shkollën “Emma E. Booker” në Sarasota, Florida, ku ai po u lexonte një libër nxënësve të klasës së dytë në momentin kur u informua për sulmet.
Qëndrimi i qetë i Bushit në klasë u kryqëzua në momentin që videoja e atij momenti u shfaq më 2004, në filmin e Michael Moore, “Farenheit 9/11”.
Por fotot e Draper, të publikuara nga Muzeumi dhe Biblioteka Presidenciale George W Bush japin një portret njerëzor të Bushit, që nga momenti fillestar deri në fjalimin e mëvonshëm atë ditë, ku premtoi se do t’i gjente dhe sillte para drejtësisë shkaktarët.
Në një intervistë më 2015, Draper tha: “Fotografimi i asaj historie ishte i vështirë. Duhej të përqendrohesha në vendin e duhur në kohën e duhur dhe të luftoja me emocionet që ndieja, për ta kapur me vërtetësi ngjarjen. Secili bëri punën e tij atë ditë dhe unë e dija që puna ime ishte të përqendrohesha maksimalisht për të dokumentuar atë që kisha përballë, që të tjerët t’i gjenin vendin në histori”.
George W Bush po vizitonte shkollën fillore “Emma E. Booker” në Sarasota, Florida, dhe po lexonte në klasën e dytë kur një këshilltar e informoi se një avion i dytë ishte përplasur në World Trade Center.Bush, i cili vazhdoi t’u lexonte fëmijëve, deri sa u largua pak minuta më pas, tha për National Geographic se mendimi fillestar ishte “ose koha e keqe, ose diçka e jashtëzakonshme i ka ndodhur pilotit”. Në foto, duke u përgatitur për fjalimin para vendit.Presidenti duke parë lajmet në bordin e Air Force One.Bush fluturoi në Bazën Ajrore Barksdale në Luiziana, ku iu drejtua kombit me fjalët: Vetë Liria u sulmua sot në mëngjes nga një frikacak i pafytyrë. Dhe Liria do të mbrohet.Më tej vazhdoi: Ta kini të qartë, SHBA do të ndjekin dhe ndëshkojnë përgjegjësit për këto akte të poshtra. Në foto, me këshilltarin Karl Rove, djathtas.Shefi i Personelit në Shtëpinë e Bardhë, Andrew Card, ishte ai që i pëshpëriti në vesh Bushit atë mëngjes. Më 2009, në një intervistë me NBC, tregoi fjalët që i tha presidentit: Një avion i dytë goditi kullën e dytë. Amerika është sulmuar.Kolonel Lejtnante Cindy Wright ngushëllon presidentin.Bush rikthehet në Shtëpinë e Bardhë, i shoqëruar nga Dick Cheney, Condoleezza Rice dhe Laura Bush.Bush risheh fjalimin para se t’i drejtohet kombit nga Zyra Ovale, ku tha: Sulmet terroriste mund të tundin nga themelet ndërtesat tona më të mëdha, por ato nuk mund të prekin themelet e Amerikës.Vazhdoi: Amerika i ka mposhtur armiqtë më parë dhe do ta bëjë përsëri. Asnjë nga ne nuk do ta harrojë këtë ditë, megjithatë do të ecim përpara për të mbrojtur lirinë dhe gjithçka që është e mirë dhe e drejtë në botën tonë.Fotografi Draper tha: Secili bëri punën e tij atë ditë dhe unë e dija që puna ime ishte të përqendrohesha maksimalisht për të dokumentuar atë që kisha përballë, që të tjerët t’i gjenin vendin në histori.
