Një seri e gjatë kërcënimesh që nuk ishin marrë seriozisht, asnjë denoncim në polici dhe epilogu tragjik në një restorant plot me njerëz, ku vrasësi i ka ekzekutuar me një pistoletë.
Cristian Alegre Rivera, 32 vjeç dhe Rafael Ramod Trinidad, 37, nuk mendonin që njerëzit që ishin paraqitur pranë aktivitetit të biznesit të tyre, e kishin seriozisht. Një fund i hidhur, që të dy e paguan me vdekje.
Dy ditë më parë, Cristian dhe Rafael ndodheshin në “Roky’s Huaral”, pranë Limës, në Peru, përcjell gazetashqip.
Po shijonin një nga varietetet e shumta të pulës të ofruara nga restoranti kur një njeri me një kapele bejsbolli dhe që mbante veshur një tutë ngjyrë gri, hyri në lokal dhe drejtoi armën kundër dy viktimave, duke i qëlluar në trup dhe në kokë.
Gjatë të shtënave, dy gra të tjera mbetën të plagosura nga plumbat qorr, ndërsa janë akoma të tronditur fëmijët që ndodheshin në lokal, të cilët po kalonin një mbrëmje mes shokëve të shkollës.
Momentet dramatike janë filmuar nga një kamera sigurie dhe tani imazhet kanë bërë xhiron e botës në të gjitha mediat.
Sipas policisë, Cristian, pronar i një ndërmarrjeje të vogël për shërbime funerale, ishte vënë në shënjestër nga një bandë kriminale gjatë vitit të fundit.
Ndërsa Rafael, punonte në një kompani ndërtimi në Arequipa, por edhe ai ishte kërcënuar dhe ndodhej në “Huaral” së bashku me gruan dhe dy fëmijët për Krishtlindje.
“Vrasësi hyri me qëllim për t’i vrarë, – tha një zëdhënës i policisë. – Në fillim u fol për një grabitje të përfunduar keq, por dëshmitarët e përgënjeshtruan një fakt të tillë. Hipoteza jonë është që viktimat kanë refuzuar të paguajnë “gjobën” e vënë nga bandat kriminale. Ata nuk i kanë marrë shumë seriozisht kërcënimet e ardhura dhe nuk kanë denoncuar në polici”.
https://www.youtube.com/watch?v=j_WuVP1zPUg
