Edhe politika ka uruar besimtarët katolikë dhe ortodoksë pwr festën e Krishtlindjeve. Presidenti Bujar Nishani, Kryeministri Rama e lideri i opozitës Lulzim Basha uruan besimtarët për lindjen e Krishtit.
NISHANI: TË LEHTËSOJMË VUAJTJET, MUNDIMET E TË VETMUARVE
Me anë të një mesazhi të bërë publik, Presidenti i Republikës, Bujar Nishani ka uruar të gjithë besimtarët e krishterë për festën e Krishtlindjeve. Nishani deklaroi se mendimi e lutjet shkojnë për njerëzit në nevojë.
RAMA URON BESIMTARËT PËR KRISHTLINDJEN
Kryeministri Edi Rama u ka uruar Krishtlindjen të gjithë besimtarë besimtarëve të krishterë përmes një mesazhi në rrjetin social “Facebook”. Urimin e tij, kreu i Qeverisë e ka shoqëruar me fotografinë e rrasës së gurit, ku ishte shtrirë Jezu Krishti përpara se të kryqëzohej.
“Kjo pamje e rrasës së gurit ku e shtrinë Jezu Krishtin e mbytur në gjak përpara se sa ta gozhdonin në kryq, shëmbëlltyrë e vuajtjeve njerëzore në rrugën e Ringjalljes, na flet të gjithëve në vigjiljen e kremtimit të Krishtlindjeve”, shkruan Rama.
BASHA: JU UROJ GËZUAR TË GJITHË BESIMTARËVE TË KRISHTERË
Lideri i opozitës Lulzim Basha ka uruar përmes rrjetit social Facebook, me një kartolinë.
Kryeopozitari Basha ka zgjedhur rrjetin social “Facebook”. “Nga zemra ju uroj të gjithë besimtarëve të krishterë Gëzuar Krishtlindjen!”, citohet në mesazhin e Bashës, të cilin e ka përcjell dhe me një kartolinë urimi.
