Samsung prezantoi sot në Kinë telefonin inteligjent Galaxy A9. Ky telefon bën pjesë tek seritë Galaxy A të Samsung-ut, që kanë veçori shumë të mira.
Galaxy A9 ka ekran 6 inç me rezolucion FullHD AMOLED. Anësoret tek ekrani janë shumë të holla. Pajisja fuqizohet nga procesori Snapdragon 652 me 3GB dhe 32GB hapësirë të brendshme, e cila mund të zgjerohet deri në 128GB nëpërmjet kartës microSD. Kamera parësore është 13 megapikselë me hapje f/1.9 dhe stabilizuesin optik të imazheve. Ndërsa kamera ballore është 8 megapikselë.
Galaxy A9 furnizohet nga një bateri me kapacitet 4,000mAh dhe ofron mbështetje për teknologjinë QuickCharge. Opsionet e lidhjes përfshijnë Wi-Fi a/b/g/n, Bluetooth v4.1, GPS/Beidou dhe sistemi i pagesave NFC. Telefoni ka edhe një sensor për gjurmët e gishtave, që gjendet brenda butonit kryesor. Ai operon me sistemin Android 5.1 Lollipop.
Çmimi dhe data e daljes në treg nuk janë bërë të ditur akoma.
