Në dy vite qeverisje maxhoranca e majtë ka realizuar vetëm 4 premtime nga 27 në total.Lëvizja Mjaft ka prezantuar raportin Platforma Qytetare ku ka konstatuar se disa nga premtimet më kryesore nuk janë realizuar. ‘OraNews’ raporton se disa prej premtimeve më të bujshme që ende nuk janë mbajtur janë hapja e 300 mijë vende pune, shërbimi shëndetësor falas, goditja e të korruptuarve në institucionet publike si dhe reforma në drejtësi.
Qeveria socialiste në dy vite qeverisje nuk ka mbajtur premtimet kryesore të bëra në fushatë.Lëvizja Mjaft ka prezantuar raportin Platforma Qytetare sipas të cilës ende nuk janë realizuar premtimet kryesore si shëndetësia falas,krijimi i 300 mijë vende pune, goditja e monopoleve si dhe goditja e të korruptuarve.
“Do të hapim 300 mijë vende të reja pune, ka qënë një nga vendimet më të mëdhaja dhe më të debatuara gjatë këtyre dy viteve. Ajo çfarë ka ndodhur nga vrojtimet ka qënë fakti që e para papunësia në vend në 3 mujorin e dytë të këtij viti është 17.3 % pra pa ndryshuar nga ajo e vitit pararendës. Premtimi i tretë është goditja e monopoleve. Ky premtim është konsideruar i parealizuar.” – tha Aldo Merkoçi i MJAFT!
Ndërkohë 4 premtimet e mbajtura janë rimbursimi i TVSH-së,normalizimi i sektorit të energjisë elektrike,hartimi i një ligji për energjinë dhe futja e teknologjisë në pagesën e taksave.
Nga deklaratat publike të Partisë Socialiste dhe nga angazhimet e marra në Kuvendin e Shqipërisë nëpërmjet nismave ligjore, u identifikuan 27 premtime që lidhen ngushtësisht me punën e qeverisë gjatë dy viteve të para.
Nga këto premtime, 4 rezultojnë të realizuara në përputhje me premtimin, 10 premtime vlerësohen si të realizuara pjesshëm, 1 premtim konsiderohet si i pamatshëm dhe 12 premtime konsiderohen të parealizuara.
