Shtatë studio arkitekture të huaja dhe vendase prezantuan sot projektet e tyre për “Parkun e Besimit” që do të krijohet në Tiranë me në qendër Piramidën. Qëllimi kryesor i këtij konkursi, sipas “Atelier Albania”, është përfitimi i projekt-ideve që do të transformojnë hapësirat lineare të hapura, si dhe xhepa të tjerë të gjelbër përgjatë bulevardit, në pasqyrime peisazhistike, që simbolizojnë vlerat kulturore më fisnike, që shqiptarët transmetojnë nëpërmjet besimit raporton Shqiptarja.com.
Qendra e “Parkut të Besimit” në Tiranë do të jetë hapësira publike që mbështjell “Piramidën”, me vetë ‘Piramidën’ si pikënisje dhe destinacion.
Ndaj në këtë kuptim, ‘Piramida’ do të bëhet subjekt i propozimeve. Vendodhjet e tjera janë të vendosura përgjatë segmentit që lidh sheshin “Skënderbej” me sheshin “Nënë Tereza”. Përveç kësaj, një komponent i rëndësishëm i këtij konkursi është edhe shtrimi i hapësirës së kalimit dhe dizenjimi urban i vetë bulevardit.
Projektet e studiove sipas radhës: Sa Architetti Barbara Agnoletto-Francesco Spano + Akua + Erald-g Urbs in Horto mund t’is hihni në këto foto:
