Një kabinë elektrike në afërsi të një fabrike të përpunimit të drurëve në zonën e Xhafzotajt në Durrës është përfshirë nga një zjarr i përmasave të mëdha. Zjarri nuk ka prekur ambjentet e fabrikës, por ka rënë në kabinën elektrike ku po digjen edhe një sasi mbeturinash në afërsi të saj raporton Shqiptarja.com.
Nga zjarri sipas strukturave përkatëse ka vetëm dëme materiale dhe nuk është raportuar për të lënduar. Në vendngjarje ndodhen Forcat Zjarrëfikëse dhe Policia, të cilët po punojnë për fikjen dhe zbulimin e shkaqeve të rënies së zjarrit.
https://www.youtube.com/watch?v=6QEPjuqhiDw
