Policia e Lezhës ka vënë në pranga një infermier të spitalit të këtij qarku, nën akuzën e shpërdorimit të detyrës.
Sipas njoftimit për shtyp, nga drejtoria lokale e policisë, infermieri 31-vjeçar është arrestuar për neglizhencë gjatë kujdesjes për një pacient të sëmurë rëndë.
Teksa po transportohej nga spitali i Lezhës drejt QSUT-së në Tiranë, shtetasi Klodian Dushkaj nuk ka qëndruar pranë të sëmurit, por është vendosur tek sedilja përkrah shoferit.
I lënë pa kujdesje, pacienti 78-vjeçar me inicialet G.B. ka ndërruar jetë.
Në njoftimin për shtyp saktësohet më tej se materialet hetimore i kanë kaluar tashmë Prokurorisë së Lezhës për hetime të mëtejshme.
/ Top Channel
