Të rinjtë demokratë, protesta para Kuvendit më 21 dhjetor

Partia Demokratike do të vijojë protestat para Parlamentit të Shqipërisë, duke kërkuar sërish largimin e qeverisë Rama, krimin e një qeverie teknike dhe zgjedhje të parakohshme. Kësaj here do të jenë të rinjtë demokratë ata që do të protestojnë para Kuvendit, kundër politikave të qeverisë.

Vetë kreu i PD­së, Lulzim Basha, gjatë një takimi me 53 kryetarët e degëve të kësaj force politike disa ditë më parë, njoftoi organizimin e një proteste masive në 21 dhjetor.

Kjo do të jetë protesta e tretë e opozitës brenda një harku të shkurtër kohor. Protesta e mbajtur më 8 dhjetor kulmoi me shembjen e bunkerit pranë Ministrisë së Brendshme. Ndërsa, protesta e 17 dhjetorit u përqendrua para Parlamentit, ditën kur po diskutohej buxheti dhe paketa fiskale 2016.

Ndërsa protesta e parashikuar për t’u organizuar më datë 21 dhjetor, ora 10:00 do të jetë masive para kryeministrisë.

Mësohet se kryetari i PD­së, Basha ka kërkuar protestë paqësore, ku në qendër do të jenë kryesisht të rinjtë.

BW