Kanë nisur festimet në qytetin e Lushnjes, në kuadër të 100 vjetorit të ‘Kongresit të Lushnjes’.
Mësohet se për ta përkujtuar këtë ngjarje historike në shtëpinë muze kanë shkuar kryetari i Kuvendit Gramoz Ruçi, zëvendës kryeministri Erion Braçe, nënkryetari i Kuvendit Myslum Murrizi, kryebashkiaku i Lushnjes Fatos Tushe dhe deputetja Tatjana Nurçe.
Në organizimin e këtij eventi vihet re emocioni i qytetarëve lushnjarë, të cilët kanë dalë me flamuj në duar duke festuar entuziastë.
Si sot 100 vite më parë ‘Kongresi i Lushnjes’ mori disa vendime të rëndësishme për të ardhmen e vendit, duke frenuar copëtimin e Shqipërisë, rrëzimin e qeverisë së Durrësit dhe zgjedhjen e Tiranës kryeqytet të vendit. /e.s/
