Arrestohet në flagrancë një doganier i Degës Doganore Kakavijë për “Korrupsion pasiv “.
Sekuestrohen në cilësinë e provës materiale dy kartëmonedha të prerjes 50 Euro.
Nga Shërbimet e Sektorit Ekonomiko-Financiar të Drejtorisë Vendore të Policisë Gjirokastër është bërë arrestimi në flagrancë i shtetasit :
– Mehmet Shehu , 48 vjeç, banues në Memaliaj, me profesion doganier i parkimit në Degën Doganore Kakavijë.
Ky shtetas është arrestuar pasi:
Shtetasi P.H , 52 vjeç, ka bërë kallëzim se në parkimin e doganës ky doganier i ka kërkuar dhe i ka marrë nëpërmjet presionit një shumë prej 100 Euro për të mos kryer procedurat doganore për 225 fidanë hardhi dhe 62 fidanë limon, portokall dhe mandarina , të cilat i kishte të ngarkuara në mjetin e tij.
Doganieri pasi i ka marrë Eurot nuk i ka dhënë asnjë dokument doganor shtetasit P.H, por i ka thënë që je në rregull të kam rregjistruar.
Nga verifikimet e kryera nga ana e Policisë rezultoi që doganieri nuk kishte kryer asnjë veprim duke përvetësuar shumën e Eurove. (mallrat nuk plotësonin vlerën për t’ju nënështruar procedurave doganore).
Në cilësinë e provës materiale iu gjetën dhe sekuestruan dy kartëmonedha të prerjes 50 Euro.
Materialet i kaluan Prokurorisë së Rrethit Gjyqësor Gjirokastër për veprën penale ” Korrupsion pasiv i personave që ushtrojnë funksione publike” parashikuar nga neni 259 i Kodit Penal
