Të paktën 10 ushtarë afganë u vranë pas një sulmi nga rreth 200 talebanë të armatosur rëndë në një bazë ushtarake në provincën e Kandaharit, në jug të Afganistanit, njoftuan sot zyrtarët.
Sulmi ndodhi në distriktin e Shah Wali Kot, pas vdekjes së 20 policëve në një operacion kundër pozicioneve të kryengritësve në provincën fqinje të Zabulit.
“Natën e kaluar, armiqtë e Afganistanit sulmuan kampin Achakzai ku ishin të strehuar 205 trupa të ushtrisë”, njoftoi në një komunikatë Ministria e Mbrojtjes.
“Rreth 10 ushtarë u vranë dhe nëntë u plagosën”, shtoi ajo.
Ky sulm është një goditje e rëndë për forcat afgane mbështur nga perëndimorët, shpesh të keqvendosura dhe pa pajisjet e nevojshme si pasojë e dezertimeve dhe korrupsionit.
Ata ndërhynë një muaj pasi talebanët vranë të paktën 135 anëtarë të forcave të sigurisë në provincën e Balkh, sulmi më i përgjakshëm i kryengritësve kundër një baze ushtarake afgane që prej vitit 2001./b.d
