Cristiano Ronaldo i mund të gjithë, edhe pse 38 vjeç. Ai ka mposhtur së fundi edhe Leo Messin, rivalin e tij të të gjitha kohërave. Ylli portugez hyri këtë vit në librin e rekordeve “Guinness” si sportisti më i paguar për vitin 2023.
Nuk është hera e parë, kjo kishte ndodhur tashmë në vitin 2017 dhe tre raste të tjera. Ronaldo i hoqi kështu “primatin” argjentinasit, i cili kishte qenë sportisti më i paguar në vitin 2022, me një vlerësim prej 130 milionë dollarë.
Ronaldo fitoi 136 milionë dollarë (rreth 121 milionë euro) nga maji i vitit 2022 deri në prillin e kaluar. Këtë fakt e shpalli “Guinness” në faqen e tij të internetit. Të ardhurat rekord të Ronaldos përbëhen nga 46 milionë dollarë fitime në fushë, kryesisht që kur ai vendosi këmbën në Ligën Pro Saudite.
Pjesa më e madhe vjen nga 90 milionë dollarët e përfituar jashtë fushave të blerta. Fitimet në terren përfshijnë pagat, çmimet dhe shpërblimet, ndërsa të ardhurat jashtë fushës janë një vlerësim i marrëveshjeve të sponsorizimit, tarifave të reklamimit të produkteve të ndryshme, çdo aktiviteti biznesi në të cilin portugezi ka një interes të konsiderueshëm.
10 SPORTISTËT MË TË PAGUAR NË BOTË
1-Cristiano Ronaldo (Futboll)
Fitimet totale: 136 milionë dollarë
Fitimet nga fusha: 46 milionë
Fitimet jashtë fushës: 90 milionë
2-Lionel Messi (Futboll)
Fitimet totale: 130 milionë dollarë
Fitimet nga fusha: 65 milionë
Fitimet jashtë fushës: 65 milionë
3-Kylian Mbappe (Futboll)
Fitimet totale: 120 milionë dollarë
Fitimet nga fusha: 100 milionë
Fitimet jashtë fushës: 20 milionë
Sporti: futboll
4-LeBron James (Basketboll)
Fitimet totale: 119.5 milionë dollarë
Fitimet nga fusha: 44.5 milionë
Fitimet jashtë fushës: 75 milionë
5-Canelo Alvarez (Boks)
Fitimet totale: 110 milionë dollarë
Fitimet nga ringu: 100 milionë
Fitimet jashtë ringut: 10 milionë
6-Dustin Johnson (Golf)
Fitimet totale: 107 milionë dollarë
Fitimet nga terreni: 102 milionë
Fitimet jashtë terreni: 5 milionë
7-Phil Mickelson (Golf)
Fitimet totale: 106 milionë dollarë
Fitimet nga terreni: 104 milionë
Fitimet jashtë terreni: 2 milionë
8-Stephen Curry (Basketboll)
Fitimet totale: 100.4 milionë dollarë
Fitimet nga fusha: 48.4 milionë
Fitimet jashtë fushës: 52 milionë
9-Roger Federer (Tenis)
Fitimet totale: 95.1 milion dollarë
Fitimet nga terreni: 1 milion
Fitimet jashtë fushës: 95 milionë
10-Kevin Durant (Basketboll)
Fitimet totale: 89.1 milion dollarë
Fitimet nga fusha: 44.1 milionë
Fitimet jashtë fushës: 45 milionë
/f.stafa
