Një vajzë e mitur 14-vjeçare nga qyteti i Lezhës, e cila ishte zhdukur që prej muajit prill të vitit të shkuar, është gjetur nga Policia Kufitare e Rinasit. Shtetasja me inicialet M.B. u ndalua nga efektivët të cilët e shoqëruan në Policinë e Tiranës. Vajza e mitur, rezultonte e zhdukur prej datës 13 prill të vitit 2015, kur u largua nga banesa e saj në qytetin e Lezhës. Prej asaj dite, familjarët nuk kanë pasur asnjë kontakt me minorene e cila nuk dihet ende se ku ka qëndruar gjithë këto muaj. Në momentin e ndalimit ajo ishte e vetme, dhe po tentonte të shkonte dret Italisë. Por mosha e saj e vogël solli dyshime te Policia Kufitare e cila e mori në pyetje vajzën, dhe zbuloi më pas se bëhej fjalë për shtetasen nga Lezha të denoncuar prej kohësh të humbur nga prindërit.
Denoncimi
E mitura M.B. u denoncua e zhdukur nga prindërit rreth 10 muaj më parë. Për herë të fundit, ajo u pa në banesën e saj në Lezhë. Në një moment kur ishte e vetme dhe në banesë nuk ndodheshin prindërit, ajo u largua dhe nuk u kthye më kurrë. Për muaj me radhë janë bërë kërkime por asnjë rezultat. Vajza rezultonte në listën e personave të zhdukur. Një numër i madh personash u morën në pyetje por askush nuk e kishte parë adoleshten prej ditës kur u largua nga banesa. Informacionet për humbjen e saj i’u përcollën të gjitha drejtorive të policisë, komisariateve dhe pikave kufitare në vend, derisa vajza u gjet në tentativë për tu larguar nga Shqipëria.
Hetimet
Pas shoqërimit të vajzës, policia e Tiranës njoftoi Drejtorinë e Policisë Lezhë e cila po merret me hetimin e rastit. Zhdukja e vajzës së re po hetohet në dy pista kryesore, largim me dëshirë dhe mashtrimin e saj nga ndonjë grup krimnal me qëllim trafikimi. Vajza është marrë në pyetje po, nuk jepen detaje se ku ka qëndruar gjithë këtë periudhë e fshehur dhe kush po e ndihmonte të shkonte jashtë vendit. Për, policinë, duket e pamundur që vajza të ketë jetuar e vetme gjithë këto muaj. Ata dyshojnë se minorenja mund të jetë shfrytëzuar brenda vendit, dhe do të nxirrej jashtë vendit për të ushtruar prostitucion. Uniformat blu nuk japin shumë detaje në lidhje me të dhënat e siguruara dhe vendet ku ka qëndruar minorenia, deri në zbulimin e personave që mund të kenë abuzuar. Po ashtu, nuk përjashtohet edhe mundësia që vajza të ejtë larguar me dëshirë nga banesa e saj, por gjithsesi, dyshimet janë se ajo ëhstë mashtruar nga dikush që e ka strehuar për muaj me radhë./Javanews
