Rreth 10 mijë migrantë hynë në Kroaci gjatë ditës së premte, duke regjistruar kështu një rekord të ri ditor, njoftoi sot Ministria kroate e Punëve të Brendshme.
“Gjithsej, 65 mijë migrantë, ku shumica janë refugjatë që i largohen konfliktit në Lindjen e Mesme, kanë hyrë në Kroaci gjatë dhjetë ditëve të fundit”, thekson Ministria e Brendshme.
Kroacia është bërë vend tranziti kryesor për në vendet në perëndim dhe veri të Evropës që prej mbylljes më 15 shtator nga ana e Budapestit të kufirit serbo-hungarez për migrantët.
Gati të gjithë migrantët që mbërrijnë në Kroaci kalojnë më pas në Hungari, nga ku ata dërgohen në kufirin austriak, para se të arrijnë në Gjermani.
