1. Gjestet e vogla bëjnë diferencë të madhe.
Nëse ka diçka që magjeps gjatë gatimit, është shtimi i një përbërësi me lugë të vogël. Një lugë e vogël (maja birre, lëkurë limoni, vanilje…) është një masë që jep idenë e lumturisë nga gjërat e vogla. Pa atë lugë të vogël, një pjatë nuk do të ishte e njëjta.
2. Ngacmimet kushtojnë pak.
Mendoni për kënaqësinë që merrni kur shikoni si vjen një brumë i përgatitur me maja; gjetja e parë e borzilokut që këpusni në vazon e ballkonit; marmelata me pjeshkë që e keni përgatitur vetë në shtëpi. Këto gjëra kanë një shije të veçantë të pashpërblyeshme dhe, në pikëpamjen monetare, kushtojnë fare pak. Kijeni parasysh një gjë të tillë edhe ne jetë…3. Kontrolli është i mirë, por mos e teproni.
Disiplina, rreptësia, rregulli janë shumë të rëndësishme në kuzhine, aq sa edhe në jetë, por deri në një farë pike. Të kesh nën kontroll situatën, të duash të planifikosh çdo gjë, ta mendosh deri në hollësi atë që duhet të bësh para se ta thuash dhe të jesh gjithnjë i kujdesshëm për rezultatin, kjo “të ndihmon” mjaft, por mos e teproni.
4. Të mos mendosh gjatë.
Racionaliteti është i rëndësishëm, por improvizimi e ndan atë që është thjesht zbatues nga një krijues. Recetat dhe përvoja janë në plan të parë, por rishkruajini, ndryshojini, personalizojini.
5. Ka gjithnjë një mundësi të dytë.
Mos i besoni historisë së trenit që kalon vetëm një herë. Ashtu sikurse mos i besoni idesë që ka vetëm një rast për të bërë përshtypje të mirë. Nuk është kurrë vonë për të mësuar siç duhet një recetë, ashtu sikurse nuk është kurrë vonë për të qenë ai/ajo që doni të jeni.
6. Thelbi fiton mbi formën, gjithnjë.
Mes një kuzhine të llakosur e të pajisur mirë dhe kuzhinës së vogël me të gjitha gjërat e shtëpisë së vet, ka të ngjarë që gjithkush zgjedh atë të dytën. Mes një torte të bukur me esencë jonatyrale dhe një keku të bërë vetë, sërish zgjidhet i dyti. Thelbi i diçkaje, padyshim, ka më rëndësi sesa ajo që duket. Nëse janë të dyja, akoma më mirë. Ama dukja pa thelbin, e sigurt që s’ka vlerë. Provoni të shijoni një pjatë të rregulluar me kujdes, por që i keni hedhur kripë me tepri!
7. Kemi gjithçka që duhet për të bërë diçka përrallore.
Nuk duhet të mendojmë se gatimi është një art për të cilin lipsen kushedi sesa mjete, aksesorë dhe pajisje. Mjaftojnë pak gjëra nëse jeni krijues. Një spageti me domate ose një oriz me shparguj mund të jenë të shkëlqyera, sado të thjeshta duken. Kreativiteti në kuzhinë dhe në jetë nuk ka të bëjë me gjërat e vështira.
8. Thojeni në të gjitha mënyrat që mundeni.
Situata të paqarta, ndjeja të pashprehura ose një “të dua shumë” e pathënë ose e thënë me vonesë. Ndonjëherë fjalët që janë bërë për të komunikuar mund të shndërrohen në kurthe ose më keq, në mure të pakapërcyeshme. Për fat kuzhina është edhe komunikim, mund të shprehë koncepte që me fjalë vështirë të shprehen. Shpreheni ndjenjën me një pjatë të personalizuar!
9. Instinkti nuk gabon
Duhet t’i besojmë më shumë instinktit. Duket sikur nuk funksionon sepse bota në të cilën jetojnë ka prirjen ta zerojë, por instinkti apo intuita në kuzhinë janë të pazëvendësueshme. Është diçka e brendshme që ju çon drejt kuzhinës, diçka instinktive që ju bën të gatuani një recetë në vend të një tjetre. Besojini instinktit ashtu sikurse edhe në kuzhinë! Nuk do të gaboni.
10. Më pak është më mirë
Less is more, thonë anglezët dhe kanë të drejtë. Na mjafton shumë më pak se ajo që kemi. A nuk e keni vëne re edhe në kuzhinë të njëjtën gjë? Referojuni asaj dhe do të mësoni shumë!
Shije.al
